Atarata wɔ᷇ɔ 2019 suru 6sen sɔ᷇ɔ 25 yera Benεn balɔ᷇ tεsobun yigbεra dwee yàra dua. Be ka Ghana tem balɔ᷇ tεsobun yigbεru bera ba yinna. Yen wii goberɔ ba wɛ᷇εnawa 2 – 2. Benεgiba ba gbia ba tia doke.
Durɔ wi Michael Pote, wia u bii gbiika ye doke ba soobu torua ya ǹ mam nɔni kpakinu 15 ture. Yen biruwa Ghana temgibu ba yakia ma ba wure ba tia sosi. Yè tɔn be ba mwana ba da ba kà wurama, ma Benε ya yiruse yakia. Durɔ wi, Michael Pote turo wia u wure u yiruse te doke. Mì n di tɔn wɔ᷇ko tem balɔ᷇n garasa yè ya torua suru winin sɔ᷇ɔ 21, goo sari wi u bii yìru doke man kùn Pote wi. Benε ya mɔwa mi kɛ᷇ε teeru. Bεsεn nɔm nnεwa mi ye sa kà garasa ye daamɔ, adama baa kɛ᷇ε teeru Benε ya ǹ waare.
Wuu tè sɔɔ Benε ya da ya yara mini, ta gɔbu domi tem mε mu garasa yen dɔ᷇ɔnε mɔ, ka bera sa wùu teeru, nde Ankaragibu ka Cameroungibu. Asibiti surun sɔ᷇ɔ 29, Guinée Bissaugiba Benε ya koo kà yinna. Tirasi sere bù ye di, bà n kI᷇ bù tonna garasa ye sɔɔ. Su kanaru baasi.