Bɔrugu tem ka᷇aru tɔna sɔɔ, tɔmbu 07 wa ba Lasa ye bara ma be sɔɔ tɔmbu 2 ba gu. Bù ka kpin bù ka bara gɔbu tè tabu ko, te tè ta ra tienε tooto mi, Bɔrugun tem ka᷇arun wirugi, Perefe Sibiri MAMAM SISE u ka tem ka᷇arun sɔm kowobu, mεriiban sɔmɔbu ka tɔn dirobun yigbεnugibu wesiana. Durɔ wi Yakɔbu OBOLI, wi u bwa᷇adobun gari wunanamɔ bɔrugun tem ka᷇aru sɔɔ, wiya u tɔn be Lasa yen faaye kua. U bù sɔ᷇ɔwa u nεε Benεn temɔ tɔmbu 7wa Lasan bara te ta go mi! U nεε su ka bara te duka suuri, sere sa n da niε saa baayere kpa su gunɔrun yaa tembu deri. Su kookari ko mε gunɔnu kun ka bεsεn dianu nɔɔ dokemɔ yεnuɔ, kpa bεsεn wa᷇a yeru ta n dεεre badomma. Lasa ye ya raa naare ya doona, ya maa sere wurama.