Eugène SOUNON, wiya u daabaaru yè tusia.
Tɔmbu yiru ya koo baatɔn keu sɔbia asibiti, bature suru yirusen sɔ᷇ɔ 23 kɔba 9n di kɔrɔku mini Institut Français gia. AJePEC Su DOm Sen keu kowobu wɔkuruseya ya koo keu sɔbia.
Tɔn dirobun yigbε te, ta ra ten keu kowobu keu sɔ᷇ɔsiwa wɔ᷇ɔ ita n wa ben yɛ᷇ru tu turi ban da ka gari tusie ka baatɔnum ben sɔmaan swaa sɔɔ. Tɔmbu nεεra wunɔbu (500) yè AJePEC Su Dom Se ya baatɔn keu sɔ᷇ɔsi saa wɔ᷇ɔ 2012n din gabu ba seeda dimɔ mɛ̀ ba ka baatɔn keu ye dimɔ. Keu bii bè ba ra n baakin (BAC) garaasa dɔɔ bu ka AJePEC Su Dom Sen baatɔn keu ko, ba ra màa keu yen yarufani di, domi ya ra be somi bu ka kɛ᷇ε bakaru wa wì u ki᷇n sɔmburun (epreuves facultatives) bera gia. Bè ba bature keu kuawa tɔn dirobun yigbε te ta baatɔn keu ye sɔ᷇ɔsimɔ yarusuma buu baagere kɔba 10 keu koo yeru ninì sɔɔ: CEG Guema, Lycee Mathieu Bouke, CEG N’Dali. Keu bibun keu wuraru sɔɔra ta baatɔn keu ye sue. AJePEC Su Dom Se ya wa᷇a tɔn dirobun yigbε baka tè ta barum keun tɔu yarabun gari mɔ̀ sɔɔ yen wɔ᷇ɔ itawa mi.